Category: Urdu Poetry

This is the home of Urdu Poetry, commonly known as Urdu Shayari / Urdu Shayri in Pakistan and India. Urdu Shayri and Hindi Shayri similar terms as both Hindi and Urdu are spoken in almost the same manner. We are online since 2008 and we have the best Urdu Poetry collection on the internet. Our content includes, but not limited to; Urdu LovePoetry | Urdu Sad Poetry | Urdu Mohabbat Shayri | Urdu Poetry | Urdu Shayari | Poetry in Hindi | Poetry in Urdu | Hindi Love Poetry | Hindi Shayri. We have tried to present the best. You can also publish your poetry on www.idesisms.com by sending your content to info@idesisms.com.

Maula Yeh Tammana Hai Keh

Share

Maula yeh tammana hai keh jab jaan se jaun,
Jis shaan se aaya hoon usi shaan se jaun

Bachon ki tarah pedon ki saakhon se mai kudoon,
Chiriyon ki tarah udd ke mai khalihaan se jaun

Har lafz mehakne lage likha hua mera,
Mai lipta hua yaadon ke lobaan se jaun

Mujh me koi viraana bhi aabaad hai shayad,
Saanson ne bhi pucha tha biyabaan se jaun

Zinda mujhe dekhegi to maa cheek uthegi,
Kya zakham liye peeth pe maidaan se jaun

Kya sookhe hue phool ki Qismat ka bharosa,
Maloom nahi kab tere guldaan se jaun………
By Munavvar Rana

Share

Chand Suraj Ya Sitaray Nahi

Share

Chaand Suraj Ya Sitaray Nahi Lenay Mujh Ko
Ab Koi Khwab Udharay Nahi Lenay Mujh Ko

Aap Ki Deed Bas Aankhon Ko Ataa Ho Jaye
Sari Dunia Ke Nazaray Nahi Lenay Mujh Ko

Jo Bachi Hai Wohi Raakh Hee Kafi Hai Mujhy
Jalti Yadon Ke Shararay Nahi Lenay Mujh Ko

Hashr Tak Aap Ke Daman Se Rahun Wabasta
Dunia Walon Ke Saharay Nahi Lenay Mujh Ko

Main Lutaun Ka Tujhay Tere Sitam Sood Samait
Ab Muhabbat Ke Khasaray Nahi Lenay Mujh Ko

Na-Khuda Ki Kbhi Minnat Na Karun Ga AHMAD
Bheek Me Hargiz Bhi Kinaray Nahi Lenay Mujh Ko

( A Ghazal by Ahmed Shakil )

Share

Us Shaam Vo Rukhsat Kaa Samaan Yaad

Share

A Nice Ghazal By Ibn-e-Insha

Us shaam vo ruKhsat kaa samaa.N yaad rahegaa
Vo shahar vo kuuchaa vo makaa.N yaad rahegaa

Vo Tiis ki ubharii thii idhar yaad rahegii
Vo dard ke uThaa thaa yahaa.N yaad rahegaa

Ham shauq ke shole kii lapak bhuul jaaye.nge
Vo shamaa-e-fasurdaa kaa dhuaa.N yaad rahegaa

Kuchh miir ke abyaat the kuchh faiz ke misare
Ik dard kaa thaa jin me.n bayaa.N yaad rahegaa

Jaa.N baKhsh sii thii us gul_barg kii taraavaat
Vo lams-e-aziiz-e-do-jahaa.N yaad rahegaa

Ham bhuul sake hai.n na tujhe bhuul sake.nge
Tuu yaad rahegaa hame.n haa.N yaad rahegaa

( By Ibn-e-Insha )

Share

Zinda Rahain Tou Kiya Hay

Share

A  Nice Ghazal by Urdu Poet Munir Niazi

Zinda Rahain tou Kiya Hay   Jo Mar Jain Hum to Kiya
Dunya say Khaamshi say Guzar Jaain Hum to Kiya
Husti Hi apni Kiya Hay Zamaaanay kay saamnay
Ik Khawab hain Jahan Main Bikhar Jain Hum to Kiya
Ab Kon Muntazar  Hay Hamaaray Liyaey Wahaan
Shaam Aa Gai hay Lot Kay Ghar Jayean Hum to Kiya
Dil ki Khalish to saath rahay Gi Tamaaam Umr
Daryaa-e-Gham  kay Paar Utar Jayean Hum to Kiya

( By ‏Munir Niyazi   منير نيازی ‏)

https://www.youtube.com/watch?v=Nk8gJXXkBps

Share

Raah Chaltay Huway Woh Yunhi

Share

Raah Chaltay Howay woh Yunhi dobara Mil Ja-eay
Shaam ko jaisay koi subh ka taara Mil Ja-eay

Naao ban ja-eay koi shor machati hoi lehar
Kia khabar dobanay walon ko kinara mil ja-eay

Aur phir aisa muqadar bhi kahan hai apna
keh Diya dhondhnay niklain to Sitara Mil Ja-eay

Kis kadar roshni hoti thi meri aankhon main
Kaash woh khoya huwa khwab dobara mil ja-eay

Dhondhnay wala koi ho to bohat mumkin hai
Iss kharabay main koi naqsh hamara mil jaeay

( By Naveed Raza )

Share