Tag: tha

Roshni aur baharain tumhi

Share

Roshni aur baharain tumhi rakh lo jana,
Mere jugnu mere mausam wapis kar do,

Meri hasrat, meri mehroomiyan lauta do mujhe,
Mere aansu, mere maatam mujhe wapis kar do,

Jane waley se bas itna hi kaha tha mene,
Kuch na lotao mere gham mujhe wapis kar do,

Kyon yeh takraar si hone lagi “Main” ki jana’n,
Woh to hum tum mein tha, ik “Hum” mujhe wapis kar do,

Jitni khushiyan hain woh rakh lo meri janib se Wasi,
Meri aankhon mein chupey namm mujhe wapis kar do.

Share

Andaz hu-bahu teri aawaz-e-paa ka tha

Share

Andaz hu-bahu teri aawaz-e-paa ka tha
Dekha nikal ke ghar se to jhonka hawa ka tha

Utha ajab tazaad se insan ka khameer
Aadi fana ka tha to pujaari baqa ka tha

Is rishta-e-latif ke israar kya khulen?
Tu saamne tha or tasawwur Khuda ka tha

Toota to kitne aaina-khanon pe zid pari
Atka hua gale me jo pathar sada ka tha

Chup chup ke roun or sar-e-anjuman hansun
Mujh ko ye mashwra mere dard-aashna ka tha

Dil raakh ho chuka to chamak or barh gayi
Yeh teri yaad thi ke amal kemiya ka tha

Is husun-e-ittefaq pe lut kar bhi shaad hun
Teri raza jo thi woh taqaza wafa ka tha

Hairan hun ke daar se kese bacha Nadeem?
Wo shakhs to ghareeb-o-ghayoor inteha ka tha

(Ahmad Nadeem Qasmi)

Share

Maula Yeh Tammana Hai Keh

Share

Maula yeh tammana hai keh jab jaan se jaun,
Jis shaan se aaya hoon usi shaan se jaun

Bachon ki tarah pedon ki saakhon se mai kudoon,
Chiriyon ki tarah udd ke mai khalihaan se jaun

Har lafz mehakne lage likha hua mera,
Mai lipta hua yaadon ke lobaan se jaun

Mujh me koi viraana bhi aabaad hai shayad,
Saanson ne bhi pucha tha biyabaan se jaun

Zinda mujhe dekhegi to maa cheek uthegi,
Kya zakham liye peeth pe maidaan se jaun

Kya sookhe hue phool ki Qismat ka bharosa,
Maloom nahi kab tere guldaan se jaun………
By Munavvar Rana

Share