Tag: shayari

Dil ko us kaa khayaal chhor gayaa

Share

 

Maskan-e-maah-o-saal chhor gayaa
Dil ko us kaa khayaal chhor gayaa

Taazah-dam jism-o-jaan the furqat men
Vasl us kaa nidhaal chhor gayaa

Ahd-e-maazii jo thaa ajab purhaal
Aik viiraan haal chhor gayaa

Zaala-baarii ke marhalon kaa safar
Qaafile, paayemaal chhor gayaa

Dil ko ab ye bhii yaad ho ke na ho
Kaun thaa , kyaa malaal chhor gayaa

Main bhii ab khud se huun javaab-talab
Vo mujhe be-savaal chhor gayaa

( By Jon Elia )

 

Share

Usey Kehna Ke aaj bhi

Share

Usey kehna,
Ke aaj bhi,
Koi apni saanson mein,
Teri sansain talash karta hai,

Usey kehna,
Ke aaj bhi,
Koi apne dil mein,
Teri dharkan talash karta hai,

Usey kehna,
Ke aaj bhi,
Koi apne seeney mein,
Teri chahat ki haraarat talash karta hai,

Usey kehna,
Ke aaj bhi,
Koi apne hathon per,
Tere hathon ka lamss talaash karta hai,

Usey kehna,
Ke aaj bhi,
Koi hijar ki raaton mein,
Wassl ke lamhaat talash karta hai..

Share

Jis se bandhe thay dono, wo gham nahi rahe hain

Share

Jis se bandhe thay dono, wo gham nahi rahe hain,
Tum tum nahi rahe ho, hum hum nahi rahe hain,

Chahat ke geet mein hai, koi kami yaqeenan,
Akhir tere mere sur jam nahi rahe hain,

Ro ro ke tere dukh, sehra sa ho gaya hoon,
Ab aankh ke kinaray bhi nam nahin rahe hain,

Lamhon ke pair par hain, kuch phool dard-e-gham ke,
Jeewan mein ab khushi ke mausam nahi rahe hain,

Tu aur simt mein hai, mein aur simt mein hoon,
Ulfat ke raastay ab baham nahi rahe hhain,

Fikr-e-muaash ne tu jazbon ko rond dala,
Aashiq wagarna hum bhi kuch kam nahi rahe hain,

Raahon mein ab kharha hoon, phelaae haath khali,
Gham thay mera asasa aur gham nahi rahe hain,

Tum hi the meri dunya, tum hi meri muhabbat,
Tum jo nahi tu dono aalam nahi rahe hain..

Jis se bandhe thay dono, wo gham nahi rahe hain

Share

Apnay Bister Per Bohat Der Se

Share

Apnay Bister Per Bohat Der Se Main Neem Daraz
Sochti Hon K Is Waqt Who Kahan Ho Ga

Mai Yahan Hon Magar Is Koocha-E-Rango-Bo Main
Roz Ki Tarah Who Aaj Bhi Aya Ho Ga

Aur Jub Us Nai Wahan Mujh Ko Na Paya Ho Ga
Aap Ko Maloom Hai Who Aaj Nahi Ayi Hain
Meri Her Dost Se Us Nai Yehi Poocha Ho Ga
Chalte Chalet Koi Manoos Si Ahat Pa Ker

Dosto Ko Bhi Kisi Uzr Se Roka Ho Ga
Rahdari Mai Haray Lawn Main Phoolon K Qareeb

Us Nai Her Simt Mujhay Aan Kar Dhoonda Ho Ga
Jub Mili Ho Gi Use Meri Halat Ki Khabar

Us Ne Ahista Se Deewar Ko Thama Ho Ga
Yad Kar K Mujhay Nam Ho Gain Hon Gi Palkain
Apnay Bister Per Bohat Der Se Main Neem Daraz
Ankh Main Par Gaya Kuch! Keh Kar Tala Ho Ga
Or Ghabra Kar Kitabon Main Jo Li Ho Gi Panah

Her Sitr Main Mera Chehra Ubher Aya Ho Ga
Ittefaqan Mujhay Us Sham Meri Dost Mili

Mai Nai Poocha Suno Aye Thay Who Kaisay Thay?
Mujhay Poocha Tha?Mujhay Dekha Tha, Choro Janab!

Us Nai Aik Lamhe Ko Dekha Mujhay Or Hans Di
Is Hansi Main Tu Who Talkhi Thi K Is Se Agay

Kia Kaha Us Nai Mujhay Yad Nahi Bus
Bus Itna Maloom Hai K
KHOABOON KA BHARAM TOOT GAYA!!

Share

Gulaab Aankhein Sharab Aankhein

Share

Gulaab Aankhein
Sharab Aankhein
Yehi To hain La-Jawaab Aankhein
Inhi main Ulfat..
Inhi main Nafrat..
Sawab Aankhein

Azaab Aankhein
Kabhi Nazar main balaa ki shokhi
Kabhi Sarapa Hijaab Aankhein
Kabhi Chupati hain Raaz Dill kay
Kabhi Hain dill ki Kitaab Aankhein
Kisi Nay dekhi to Jheel Jaisi
Kisi nay Paiein Saraab Aankhein
Woh aaye to log Mujh say bolay
Hazoor Aankhein..
Janab Aankhein
Gulaab Aankhein Sharab Aankhein Yehi To hain La-Jawaab
Ajeeb tha Guft-Gu ka Aalam
Sawal koi Jawab Aankhein
Yeh Mast Mast Be-Misaal Aankhein
Nashay Say Her Dam Nidhaal Aankhein
Uthaein to Hosh-o-Hawaas Cheenain
Girain To kar Dein Kamal Aankhein
Koi hai Inki Karam ka Talib..
Kisi ka Shoq-e-Wisaal Aankhein
Na yoo’n Jalaein.. Na yoo’n Sataein
Karein to Kuch Yeh Khayal Aankhein
Hain Jeenay ka Ik Bahana Yaro!
Yeh Rooh-Parwar Jamal Aankhein
Daraz Palkein..
Wisaal Aankhein..
Musawari Ka Kamal Aankhein..!
Share