Tag: hum

Bikhar ja aingey hum kya jab

Share

A Poem on Pakistan’s Current Situations

Bikhar ja aingey hum kya jab( In Roman Urdu )

Bikhar ja aingey hum kya jab tamsha khatm hoga
Meray ma’bud aakhir kab tamasha khatm hoga

Kahani a’ap uljhi hey keh uljhaee gaee hey
Yeh uqda tab khulayga jab tamasha khatm hoga

Nai kirdar a’atey ja rahai hain roshni main
Nahin ma’loom ab kis dhab tamasha khatm hoga

Chiraghey hujra’ai darwesh ki bujhti hui lau
Hawa sai keh gaee hai ab tamasha khatm hoga

Yeh sab kathputlian raqsaan rahaingi ra’at ki ra’at
Sehr sai pehlai pehlai sab tamasha khatm hoga

Tamasha karney walon ko khabar di ja chuki hai
Keh parda kab giray ga kab tamasha khatm hoga

Dil-i-na mutma’in aisa bhi kiya mayoos hona
Jo khalq utthi to sab kartab, tamasha khatm hoga

Share

Roshni aur baharain tumhi

Share

Roshni aur baharain tumhi rakh lo jana,
Mere jugnu mere mausam wapis kar do,

Meri hasrat, meri mehroomiyan lauta do mujhe,
Mere aansu, mere maatam mujhe wapis kar do,

Jane waley se bas itna hi kaha tha mene,
Kuch na lotao mere gham mujhe wapis kar do,

Kyon yeh takraar si hone lagi “Main” ki jana’n,
Woh to hum tum mein tha, ik “Hum” mujhe wapis kar do,

Jitni khushiyan hain woh rakh lo meri janib se Wasi,
Meri aankhon mein chupey namm mujhe wapis kar do.

Share

Un jheel se gehri aankhon mein…

Share

Un jheel se gehri aankhon mein  ik sham kahin abad to ho

us jheel kinare pal do pal,

ik khwab ka neela phool khilay!

wo phool baha dein lehron mein,

ik roz kabhi hum sham dhalay

us phool k behtey rangon mein

jis waqt larazta chaand chalay!

us wqt kahin un aankhon mein us bisrey pal ki yaad to ho!

un jheel se gehri aankhon mein ik sham kahin abad to ho!

phir chahe umer-e-samander ki

her mauj pareshaa’n ho jae!

phir chahe aankh dareechay se

her khwab guraizaa’n ho jae!

phir chahe phool k chahrey ka

her dard numayaa’n ho jae!

us jheel kinare pal do pal wo roop nagar ejaad to  ho

din raat k us aaiynay se wo aks kabhi azaad to ho

un jheel se gehri aankhon mein ik sham kahin abad to ho

(ghazal by Amjad islam amjad from his book “Muhabbat aisa darya hai”)

Share

hum kia say kia ho gae

Share

Hum Kya Say Kya Ho Gaye

Saare Sapne Kahin Kho Gaye,

Haaye Hum Kya Say Kya Ho Gaye…

Dil Say Tanhaii Ka Dard Jeeta,

Kya Kahen Hum Pe Kya Kya Na Beeta,

Tum Na Aaye Magar Jo Gaye,

Haaye Hum Kya Say Kya Ho Gaye…

Tum Ne Hum Say Kaheen Thiin Jo Baatain,

Un Ko Duhraati Hain Ghamm Ki Raatain,

Tum Say Milne K Din ToO Gaye,

Haaye Hum Kya Say Kya Ho Gaye…

Koi Shikwa Na Koi Gila Hai,

Tum Se Kab Hum Ko Yah Ghamm Mila Hai,

Haan Naseeb Apne Hi So Gaye,

Haaye Hum Kya Say Kya Ho Gaye. .*

Share