Tag: ati

use neend bhi ati hogi

Share

sochta hoon k use neend bhi aati hogi

ya meri trha faqt ashk bahati hogi

woh meri shakal mer anaam bhulane wali

apni tasweer se kia aankh milati hogi

us zamee’n per bhi hai sailaab mere ashko’n se

mere maatam ki sadaa arsh hilati hogi

us ne silwa bhi liye hon gay siyah rang libaas

ab muharram ki trha eid manati hogi

hoti hogi mere bosay ki talb mein pagal

jab bhi zulfo’n mein koi phool sajati hogi

mere tareek zamano’n se nikalne wali

roshni tujh ko meri yaad dilati hogi

dil ki masoom ragein khud hi sulagti hon gi

junhi tasweer ka koi kona woh jalati hogi

roop de kr mujhe us mein kisi shahzaday ka

apne bacho’n ko kahani woh sunati hogi

(beautifull ghazal by syed wasi shah)

Share